लाडकी बहीण योजनेसाठी मोठा अपडेट: E-KYC पूर्ण करण्याची अंतिम तारीख 18 नोव्हेंबर 2025
मुंबई, महाराष्ट्र: मुख्यमंत्री माझी लाडकी बहीण योजनेसंदर्भातील नवीन अपडेट समोर आले आहे. या योजनेअंतर्गत पात्र महिलांना महिन्याला 1500 रुपये आर्थिक लाभ मिळतो. या योजनेचा लाभ घेण्यासाठी आता E-KYC प्रक्रिया अनिवार्य करण्यात आली आहे, आणि या प्रक्रियेची अंतिम तारीख 18 नोव्हेंबर 2025 आहे.
महिला व बालविकास मंत्री आदिती तटकरे यांनी अधिकृत X (पूर्वी ट्विटर) अकाउंटवरून ट्विट करत या योजनेशी संबंधित माहिती शेअर केली. त्यांनी म्हटले की, “मुख्यमंत्री माझी लाडकी बहीण योजनेत पारदर्शकता आणि नियमित आर्थिक लाभ सुनिश्चित करण्यासाठी E-KYC सुविधा उपलब्ध करून देण्यात आली आहे. उर्वरित लाभार्थ्यांनी 18 नोव्हेंबर 2025 पूर्वी ही प्रक्रिया पूर्ण करावी.”
E-KYC प्रक्रिया कशी कराल?
लाभार्थी महिलांनी खालील स्टेप्स फॉलो करून E-KYC प्रक्रिया पूर्ण करावी:
-
साइटला भेट द्या: https://ladkibahin.maharashtra.gov.in
-
लॉगिन करा: ईकेवायसी पर्यायावर क्लिक करा.
-
आधार क्रमांक द्या: तुमचा आधार नंबर एंटर करा.
-
कॅप्चा कोड प्रविष्ट करा: कॅप्चा कोड टाका.
-
आधार OTP द्वारे सत्यापित करा: Send OTP क्लिक करा आणि मोबाईलवर आलेला OTP सबमिट करा.
-
जात व लाभार्थ्याची माहिती भरा:
-
कुटुंबातील सदस्य शासकीय नोकरीत नाहीत किंवा निवृत्त वेतन घेत नाहीत.
-
फक्त 1 विवाहित आणि 1 अविवाहित महिला योजनेचा लाभ घेते.
-
-
Submit करा: “Success – तुमची e-KYC पडताळणी यशस्वीरित्या पूर्ण झाली आहे” हा संदेश दिसल्यास प्रक्रिया पूर्ण झाली.
महत्वाचे मुद्दे
-
अंतिम तारीख: 18 नोव्हेंबर 2025
-
लाभार्थी महिला: राज्यातील पात्र महिला
-
उद्देश: आर्थिक लाभ सुनिश्चित करणे आणि योजनेत पारदर्शकता आणणे
सरकारने सर्व लाभार्थ्यांना E-KYC पूर्ण करण्यासाठी पुन्हा एकदा आवाहन केले आहे. या तारखेपूर्वी प्रक्रिया पूर्ण न केल्यास योजनेचा लाभ मिळवता येणार नाही.
हे पण वाचा : Police Bharti 2025 – पोलीस भरती 2025 प्रश्नपत्रिका | 100 प्रश्न उत्तरांसह
